Футболчилар “Евро-2024”да микрочип ўрнатилган тўп тепади
Спорт
−
10 Декабрь 2023 7240
2024 йили бўлиб ўтадиган Европа чемпионатида илк бор "Adidas" компаниясининг юқори технологияли тўпидан фойдаланилади. Бу ҳақда "The Times" хабар берди.
Маълум қилинишича, ўрнатилган микрочип ёрдамида гол бўлган вазиятда футболчининг қўли тўпга теккан ёки тегмаганлигини аниқлаш осонлашади.
Чип ўзига хос кузатиш технологияси орқали реал вақт режимида ўйинчи танасининг уч ўлчамли тасвирини яратиб, тўп айнан қаерга урилганини аниқлаш имконини беради.
Юқори технологияли тўп Европа Чемпионлар лигасининг 2024/25 йилги мавсумида ҳам қўлланиладими ёки йўқми, бу аниқ эмас. Яна бир томондан микрочип ўрнатилган тўплар оддийларига нисбатан анчагина қимматга тушиши ҳам айтилмоқда.
Live
Барчаси
