Францияда янги Бош вазир тайинланди

Олам

−

05 Сентябрь visibility3724

Франция навбатдан ташқари парламент сайловларининг иккинчи босқичидан икки ой ўтиб, Президент Эммануэль Макрон Мишель Барньени Франциянинг янги Бош вазири этиб тайинлади. Бу ҳақда “France 24” хабар берди.

Мишель Барньега мамлакат ва халқ манфаати йўлида ишлайдиган ягона ҳукумат тузиш вазифаси юклатилди. Бу тайинлов Францияда сиёсий бирлашиш ва барқарорликка қаратилган муҳим қадам сифатида қаралмоқда.

Барнье илгари Франциянинг Европа интеграцияси жараёнидаги асосий шахслардан бири бўлиб, эндиликда у давлат сиёсатида муҳим роль ўйнайди.

Ҳозирги Миллий Ассамблея учта блокка бўлинган: чап қанот коалицияси – NFP (энг кўп ўринларни қўлга киритган, лекин мутлақ кўпчиликни ташкил эта олмади), Макроннинг марказчи гуруҳи ва ўта ўнгдаги Миллий ралли.

Маълумот учун, Барнье консерватив, икки марта Европа комиссари ва 2016 ва 2021 йилларда Brexit бўйича Европа Иттифоқининг бош музокарачиси бўлган. Барнье 1958 йилда Бешинчи республика тузилганидан бери Франциянинг энг кекса Бош вазири бўлади. У мамлакат тарихидаги энг ёш бош вазир, Президент Макрон 2024 йилнинг бошида биринчи марта бош вазир этиб тайинлаган ва июль ойидан бери вазир лавозимида қолаётган Габриэль Атталнинг ўрнини эгаллайди.

Эслатиб ўтамиз, аввалроқ Францияда Европарламент сайловларида марказчи лагерь мағлубиятга учрагач, мамлакат Президенти Эммануэль Макрон парламент қуйи палатасини тарқатиб юборганди.

Мақола муаллифи

Асадбек Комилов

Теглар

Эммануэль Макрон Бош вазир Мишель Барнье

Баҳолаганлар

Рейтинг

Мақолага баҳо беринг

5 stars 4 stars 3 stars 2 stars 1 stars

Дўстларингиз билан улашинг

online_predictionLive

Барчасиcall_made

Тунисда давлат байроғини Туркия байроғи билан адаштирган масъуллар жазоланди

Тунисда Давлат миллий темир йўллари компанияси марказий биносида Тунис байроғи ўрнига Турк байроғини хато қилиб кўтарган 4 киши қўлга олинди.

16 Сентябрь

Мирзиёев эртага Қозоғистонга йўл олади

Ўзбекистон Президенти Шавкат Мирзиёев Қозоғистон Республикаси Президенти Қосим-Жомарт Тўқаевнинг таклифига биноан 17 сентябрь куни Марказий Осиё мамлакатлари ва Германия етакчиларининг иккинчи учрашувида иштирок этиш Остона шаҳрида бўлади.

16 Сентябрь

400 та чўл тошбақаси Ўзбекистондан олиб ўтмоқчи бўлган шахс ушланди

“Фарҳод” чегара постида тожикистонлик фуқаро 400 та Ўрта Осиё чўл тошбақасини Ўзбекистондан олиб чиқиб кетишга уринган.

Ҳолатга ҳуқуқий баҳо бериш ва керакли чора кўриш учун ҳужжатлар расмийлаштирилиб, суд органларига юборилган.

16 Сентябрь

Ходимни хатоси учун калтаклаган Инбазар иш бошқарувчиси 7 суткага қамалди

Муштумзўрликни видео тасвирга туширган шахс эса 5 суткага қамалган.

16 Сентябрь

Германия расмийсининг Ўзбекистонга сафари якунланди

Олаф Шольцни Самарқанд халқаро аэропортида Бош вазир ўринбосари Жамшид Хўжаев, Ташқи ишлар вазири Бахтиёр Саидов ва бошқа расмийлар кузатиб қўйган.

16 Сентябрь

Ироқ ҳукумати раҳбари мусулмонларни Фаластин йўлида бирлашишга чақирди

“Бугун биздан талаб қилинадиган нарса шуки, биз барчамиз, мусулмонлар ва араблар, Фаластинни қўллаб-қувватлаш учун шарафли позицияни эгаллашимиз керак”, деган Бош вазир.

16 Сентябрь

Ўзбекистонда қанча аёл шифокорлар фаолият юритмоқда?

2024 йил 1 январь ҳолатига Ўзбекистонда фаолият юритаётган барча мутахассисликдаги аёл шифокорларнинг умумий сони 49,6 минг нафарни ташкил этган.

16 Сентябрь

Жиззахдаги шифохонада жанжал кўтарган безорилар 15 суткага қамалди

Улар укаси ҳақида маълумот бермаган ҳамширани ҳақоратлаб, шиша тўсиқ, компьютер экрани ва эшик ойнасини синдирган.

09 Сентябрь