Францияда ўқитувчини бошини танасидан жудо қилган йигит Чеченистонда дафн қилинди

Олам 25664
image

Чеченистоннинг Урус-Мартанов туманида Париж (Франция) яқинидаги коммунада ўқитувчини бошини танасидан жудо қилган 18 ёшли Абдулак Анзоровнинг дафн маросими бўлиб ўтди.

Дафн маросими жорий йилнинг 5 декабрь куни Шалажи қишлоғида бўлиб ўтган. Қишлоқ Анзоровнинг танаси олиб келингач, карантинга олинган. У ерга фақатгина ўша қишлоқда яшовчилар киритилган.

Маълум бўлишича, унинг қабрини кўриш учун келаётганлар кўплиги боис қўшни қишлоқларда тирбандликлар юзага келган.

Ижтимоий тармоқларда дафн маросими вақтида олинган видео тарқалди. Унда одамлар яшил матога ўралган Анзоровнинг жасадини олиб кетаётганини кўриш мумкин.

Маросимда 200 га яқин одам қатнашган. Булар Анзоровлар оиласининг яқинлари ва қариндошлари. Қайд этилишича, қишлоқда хавфсизли чоралари кўрилган, 65 нафар полиция хоими атрофда навбатчилик қилган.

Эслатиб ўтамиз, жорий йилнинг 16 октябрь куни Париж яқинидаги Конфлан-Сент-Онорин коммунасида тарих фани ўқитувчиси ўлдириб кетилди. Ўқитувчи дарсда ўқувчиларга буюк пайғамбар Муҳаммад (с.а.в.)нинг "Charlie Hebdo" журналида чоп этилган карикатурасини кўрсатган. Чеченистонда туғилган 18 ёшли Абдулак Анзоров эса ўқитувчи Самюэль Патига пичоқ билан ҳужум қилиб, уни ўлдиради. Орадан кўп ўтмай, полиция қотилни отиб ташлайди. Ушбу воқеа Макроннинг баёнотлар билан чиқиши ва мамлакатда сўз эркинлигини қўллаб-қувватлашига сабаб бўлди.

Суннатилла Абдуллаев
Мақолага баҳо беринг
Баҳолаганлар: 1404
Рейтинг: 3
t
×