Франция Марокашни мағлуб этиб, ярим финалга чиқди

Франция миллий терма жамоаси АҚШнинг Массачусетс штатидаги Фоксборо шаҳрида бўлиб ўтган Жаҳон чемпионати чорак финал баҳсида Марокашни 2:0 ҳисобида мағлуб этди. Натижада французлар турнир ярим финалига йўл олди.

Марокашга қарши баҳсда Французлар сафида голларга 60-дақиқада Килиан Мбаппе ва 66-дақиқада Усмон Дембеле  муаллифлик қилди.

Ушбу ғалаба орқали Франция терма жамоаси ўз тарихида саккизинчи марта Жаҳон чемпионати ярим финалига йўл олди ва бу кўрсаткич бўйича Бразилия рекордини такрорлади. Бу босқичга фақат Германия кўпроқ 12 марта етиб борган. Шунингдек, французлар кетма-кет учинчи Жаҳон чемпионатида ҳам ярим финалга чиқишга муваффақ бўлди. Аввалроқ бундай натижага фақат Бразилия ва Германия терма жамоалари эришган эди.

Франция икки карра жаҳон чемпиони (1998, 2018) ҳисобланади. Шунингдек, жамоа икки марта кумуш (2006, 2022) ва икки марта бронза (1958, 1986) медалларини қўлга киритган.Марокаш эса сўнгги, 2022 йилги Жаҳон чемпионатида тўртинчи ўринни эгаллаб, мамлакат футболи тарихидаги энг яхши натижасини қайд этган эди.

Ушбу ғалабадан сўнг Франция ярим финалга йўл олди. Дидье Дешам шогирдлари энди10 июль куни бўлиб ўтадиган Испания – Бельгия учрашуви ғолиби билан куч синашади. Франция иштирокидаги ярим финал баҳси жорий йилнинг 14 июль куни бўлиб ўтади.