Fayzullayevga Yevropaning top klublaridan qiziqish bor – manba
Sport
−
31 mart 5625
Moskvaning SSKA klubi va O‘zbekiston milliy terma jamoasi vingeri Abbosbek Fayzullayev top-5 ligalari jamoalari e’tiboriga tushdi. Bu haqda “Euro-football” nashri xabar berdi.
Manbaga ko‘ra, 21 yoshli futbolchiga Yevropaning bir nechta klublari qiziqish bildirmoqda. Ammo hozircha ushbu jamoalarning nomi oshkor qilinmagan. Avvalroq, Fayzullayev Germaniyaning “Bavariya” klubiga o‘tishi haqidagi mish-mishlar tarqalgan edi.
Ma’lumot o‘rnida, joriy mavsum Fayzullayev SSKA safida Rossiya Premer-ligasi hamda Kubogi doirasida 28 ta o‘yinda maydonga tushib, 3 ta gol urdi va 7 ta assist amalga oshirdi. “Transfermarkt” portali o‘zbekistonlik futbolchining qiymatini 8 million yevroga baholamoqda.
Eslatib o‘tamiz, avvalroq, Turkiyaning “Galatasaroy” klubi Fayzullayevga qiziqish bildirgani haqida xabar berilgan edi.
Live
BarchasiTrenddagilar
