Фьюрининг имкониятларини бироз юқори баҳолайман – Шаҳрам Ғиёсов
Спорт
−
15 Май 4683
Ўзбекистонлик профессионал боксчи Шаҳрам Ғиёсов бир неча кундан сўнг ўтказиладиган оғир вазн тоифасидаги Александр Усик ва Тайсон Фьюри жанги бўйича QALAMPIR.UZ'га ўз фикрларини билдирди.
“Икковиниям имконияти яхши. Фюри жуда баҳайбат, зарбалари кучли, рақибга яхши босим ўтказа олади ва техник жиҳатдан ҳам яхши даражада. Усикнинг эса оёқ ҳаракатларини эътироф этиш мумкин ва жуда чидамли боксчи. Нима бўлишини жанг кўрсатади, бироқ оз бўлса ҳам Фьюрининг имкониятларини юқори баҳолайман”, дейди Ғиёсов.
Тайсон Фьюри ва Александр Усик ўртасидаги жанг 18 май куни Саудия Арабистони пойтахти Ар-Риёдда бўлиб ўтади.
Эслатиб ўтамиз, аввалроқ Фюрининг отаси Усик жамоаси аъзосига боши билан зарба бергани хабар қилинганди.
