Эски нарсаларни йўқ қилиш керак – Роналду МЮдаги ўзгаришлар ҳақида

“Манчестер Юнайтед” ҳужумчиси Криштиану Роналду “қизил иблислар”нинг амбициялари ва ҳақида гапирди.

“Мен МЮнинг менталитети Англия Премьер лигасида кучли учликдан паст эканлигини қабул қилмайман. Менимча, яхши нарса яратиш учун баъзида эски нарсани йўқ қилиш керак. Хўш, нега ундай бўлмаслиги керак – янги йил, янги ҳаёт ва умид қиламанки, “Манчестер Юнайтед” мухлислар истаётган даражага эриша олади. Мухлисларимиз бунга лойиқ”, дейди Роналду.

Шунингдек, Роналду жамоада биринчи навбатда нимани ўзгартириш кераклигини таъкидлади: 

“Энди биз ниманидир ўзгартиришга қодирмиз. Мен ҳамма нарсани ўзгартиришни қандай бошлашни биламан, лекин буни айтмайман. Чунки бу мен учун ахлоқсизлик бўлади. Айтишим мумкинки, биз яхшироқ ўйнай оламиз – ҳаммамиз. “Манчестер Юнайтед” ҳозирги вазиятни ўзгартириши керак. Мен АПЛда олтинчи, еттинчи ўринларда бўлишни хоҳламайман ва ғалаба қозониш, рақобатлашиш учун келганман. Ўйлайманки, биз аллақачон рақобат яратмоқдамиз, лекин ҳали энг яхши даражага эришганимиз йўқ. МЮ яхшиланиши учун узоқ йўл босиб ўтиши керак”.

Эслатиб ўтамиз, Роналду бош мураббий Ральф Рангник ҳақида ўз фикрларини билдириб, унга бироз вақт кераклигини айтиб ўтган эди.