Эргашевнинг чемпионлик жанги санаси ва манзили ўзгарди

Спорт

−

14 октябр 2023 visibility9911 timer1 дақиқа

Аввалроқ Халқаро бокс федерацияси (IBF) буйруғи билан пуэрто-риколик Сабриэль Матиас ўз чемпионлик камарини ҳамюртимиз Шоҳжаҳон Эргашевдан ҳимоя қилиши ҳақида хабар берган эдик. Ушбу жанг жорий йилнинг 4 ноябрь куни АҚШнинг Лос-Анжелес шаҳрида ўтказилиши керак эди.

Бироқ ESPN каналининг таниқли журналисти Майк Коппинжернинг хабар беришича, Матиас-Эргашев жанги 25 ноябрь куни АҚШнинг Невада штати Лас-Вегас шаҳрида бўлиб ўтади. Ўша куни пуэрто-риколик Сабриэль Матиас ярим ўрта вазн тоифасида ўзига тегишли IBFкамарини ўзбекистонлик боксчидан ҳимоя қилади.

Ушбу жанг Девид Бенавидес - Деметриус Андраде жангининг андеркардида ўтказилади.

Эслатиб ўтамиз, Эргашев-Матиас жангининг промоутерлик савдосида TGB promotions ғолиб бўлганди. Бўлажак жангдан Матиас 357 минг АҚШ доллар, Ўзбекистон вакили эса 153 минг АҚШ доллар даромад қилади.

Мақола муаллифи