Дунёнинг энг қиммат футболчиси кимлиги айтилди

Спорт

image

“Business Insider” нашри дунёнинг энг қиммат футболчилари рейтингини тузди. Рўйхатга “ПСЖ” клубининг франциялик ҳужумчиси Килиан Мбаппе етакчилик қилди.

Экспертлар Мбаппени 229 млн еврога баҳолаган. Иккинчи ўринни унинг бразилиялик клубдоши Неймар эгаллади. Унинг трансфер қиймати 206 млн еврога тенглаштирилди. Учинчи ўринни “Барселона” етакчиси аргентиналик ҳужумчи Лионел Мессига насиб қилди. Экспертлар Мессини 183 млн еврога баҳолади.

“Ювентус”нинг португалиялик форварди Криштиану Роналду 21 футболчи киритилган рейтингда 19-ўринни эгаллади. Унинг рўйхатдаги ўрни футболчининг ёши ўтиб қолгани билан изоҳланди. Роналду жорий йил февраль ойида 34 ёшга тўлди.

Рейтинг футболчиларнинг амалдаги шартномасининг муддати, уларнинг ҳозирги спорт формаси ва ўтган мавсумдаги иштирокига асосан тузилган.

20 ёшли Мбаппе ПСЖ таркибида Франция чемпионати доирасида 29 та ўйинда майдонга тушиб 33 та гол урди. У яқин тақибчисини 11 та гол фарқи билан ортда қолдириб, мавсум тўпурари бўлди.


Мақола муаллифи

Теглар

рейтинг Килиан Мбаппе Лионел Месси Роналду футбол

Баҳолаганлар

107

Рейтинг

2.9

Мақолага баҳо беринг

Дўстларингиз билан улашинг