Дунё ичида янги дунё. Цукерберг ўз “коиноти”ни яратмоқчи

Кеча, 28 октябрь куни Марк Цукерберг Facebook Connect 2021 онлайн тақдимотида сўзга чиқди. У компаниянинг VR ва AR’даги сўнгги ютуқлари, “Metaverse”ни ривожлантириш режалари, шунингдек янги ном ҳақида гапирди.  

“Metaverse” 

• Facebook метакоинот — VR ва AR технологияларини бирлаштирган виртуал дунёни ишлаб чиқишни режалаштирмоқда. 

• Фойдаланувчилар аватарлар ёрдамида виртуал реалликда бир-бирлари билан мулоқот қилишлари мумкин бўлади. 

• “Оддий” интернетдаги барча контентни голограммалар кўринишида метакоинотда кўриш мумкин бўлади. 

• Facebook Horizon Workrooms хизматида иш жойи ва Horizon Home’да виртуал уй яратишни таклиф қилади. 

Ўйинлар ва фитнес 

• VR’да кўплаб янги ўйинлар чиқади, у Oculus Gaming Showcase’да батафсил маълумот алмашишни ваъда қилмоқда. 

• Метакоинотда фойдаланувчилар турли жойларда бўлса ҳам бирга спорт ўйнашлари ва тўлдирилган реаллик билан ўйин ўйнашлари мумкин бўлади. 

• Ўйинлар ва иш учун алоҳида ҳисоблар ва аватарларни яратиш мумкин бўлади. 

• Цукерберг GTA’нинг чиқарилишини алоҳида эълон қилди: Oculus учун San Andreas биринчи шахс номидан ўйнаш имкониятига эга.

Метакоинотда таълим 

• Метакоинотдаги таълим янада интерактив бўлади, шифокорлар виртуал реалликда машқ қилишлари мумкин бўлади, бўлажак астрономлар эса кенгайтирилган реаллик ёрдамида космик объектларни яқиндан ўрганади. 

• Фойдаланувчилар автомобилнинг 3D моделини юклашлари ва ўзларини таъмирлашда синаб кўришлари, шунингдек голограммалар ёрдамида Қуёш системаси сайёраларини кўришлари мумкин бўлади. 

• Facebook янги реалликда ўзининг кўзойнаклари ёрдамида ўқишни таклиф қилади. 

Янги иқтисодиёт 

• Хизматлар учун тўлов одамларни қайтаради, шунинг учун Facebook ундан халос бўлишни ёки хизматларининг нархини минималлаштиришни давом эттирмоқчи. 

• Метакоинотда янги турдаги муаллифлар пайдо бўлиши керак, улар фойдаланувчилар учун шахсий буюмларини ва бутун дунёларини яратади. 

• Facebook тадбиркорларга мижозлар билан мулоқот қилиш учун янги платформа беради. 

Project Cambria 

• Facebook метакоинот билан ўзаро алоқа қилиш учун янги “ақлли” кўзойнакларни ишлаб чиқмоқда. 

• Project Cambria код номи остидаги АR кўзойнаклари 2022 йилда чиқарилади. 

• Сентябрь ойида Ray Ban билан ҳамкорликда ақлли кўзойнакларнинг чиқарилиши фойдаланувчиларни смартфон экранларидан узоқлаштириш йўлидаги биринчи қадам бўлди. 

Янги ном 

• Facebook ўз эътиборини метакоинотни ривожлантиришга қаратади. 

• Компания ижтимоий тармоқ билан эмас, балки метакоинот билан боғланишни хоҳлагани учун ўз номини Meta’га ўзгартирди.