Деҳқонободда қор бўронида қолган 10 киши қутқарилди
Crime
−
24 January 9322 1 minute
Фавқулодда вазиятлар вазирлиги (ФВВ) қутқарувчилари Қашқадарё вилоятида қор бўронида қолиб кетган ўн кишини қутқариб қолди. Бу ҳақда вазирлик матбуот хизмати хабар берди.
Маълум бўлишича, кеча 23 январь куни соат 18:00 да Қашқадарё вилояти Фавқулодда вазиятлар бошқармасига (ФВБ) хабар келиб тушган. Унда айтилишича, Деҳқонобод тумани “Мустақиллик” МФЙ ҳудудидан ўтган автомобиль йўлида кучли шамол бўлиши оқибатида кузатилган қор бўронида бир нечта автомобилларнинг ҳаракатлари чекланиб қолганлиги ва фуқароларга амалий ёрдам зарурлиги тўғрисида мурожаат келиб тушган.
ФВВ қутқарувчилари махсус йўл танламас автомобилда айтилган манзилга етиб бориб, қийин аҳволга тушиб қолган 10 кишини хавфсиз ҳудудга олиб чиққан.
Эслатиб ўтамиз, аввалроқ Европага кучли қор бўрони ёпирилгани ҳақида хабар бергандик.
Алиқулов Жавоҳир
Live
AllIspaniya migrantlarni Seutani tark etishga majbur qilish uchun ularni suv va o'tsiz qoldirmoqda
17:40
Toshkentdagi o'pirilib tushgan yo'l o'tkazgich qurilishida 7,4 mlrd so'm eb yuborilgani ayon bo'ldi
17:28
