Чироқчига кириш-чиқиш йўллари ёпилди

Жамият 6095
image

Қашқадарё вилоятининг Чироқчи туманида яна коронавирус аниқланди. Шу сабаб 9 июндан бошлаб туманга кириш-чиқиш йўллари ёпилиб, барча турдаги жамоат транспорти ҳаракати вақтинчалик чекланди. Бу ҳақда Чироқчи туман ҳокимлиги матбуот хизмати хабар бермоқда.

Маълумотларга кўра, туман ҳокими Хуррам Жўраев ва ИИО ФМБ бошлиғи А.Бешимқуловлар жамоат транспорти ва йўналишсиз таксилар ҳаракати карантин вақтида вақтинча тўхтатилиши хусусида Мустақиллик кўчасида ҳайдовчиларга тушнчалар беришди. 

ИИО ФМБ бошлиғи А.Бешимқуловнинг таъкидлашича, стационар постларда автотранспорт воситаларининг кириб-чиқиши маҳаллий давлат ҳокимияти органлари, ҳуқуқ-тартибот идоралари, корхона, ташкилотларда ишловчи ходимларнинг автотранспорт воситалари мажбурий равишда дезинфекция қилинади.

“Туманга кириш ва чиқишдаги чекловлар юк ташиш билан боғлиқ ҳолларга, доимий яшовчи (рўйхатдан ўтган) шахсларга, маҳаллий давлат ҳокимияти органларига, ҳуқуқ-тартибот идоралари, шифокор ва ҳамширалар, санитария-эпидемиологик осойишталик маркази ходимларига нисбатан татбиқ этилмайди”, дейилади хабарда.

Сарвар Анвар ўғли
Мақолага баҳо беринг
Баҳолаганлар: 232
Рейтинг: 3.1
Теглар
t
×