Чилонзорда 5 киши ўлган “Шовотландия-1” кафесидаги ёнғин сабабчиси ушланди
3-саҳифа
−
28 Февраль 2021 23667
Аввалроқ, пойтахтнинг Чилонзор тумани Гулистон кўчасида жойлашган “Шовотландия-1” кафесида ёнғин содир бўлгани ҳақида хабар бергандик. Ўт қўйиш билан боғлиқ жиноят оқибатида беш киши вафот этганди.
Тезкор-қидирув тадбирларида аниқланишича, бинога қасддан ёнғин етказган шахс жорий йилнинг 27 февраль куни соат 03:30 ларда Matiz автомашинасида манзилга келиб, бино деворларига ўзи билан олиб келган шиша идишдаги суюқликни сепиб, сўнг яна бир идишдаги суюқликни бино ичкарисига отган ва аланга чиқишини кузатиб, ёнғин содир бўлганидан сўнг воқеа жойини яширинча тарк этган.
Ҳолат бўйича Жиноят кодексининг 173-моддаси 2-қисми “б,в” бандлари (мулкни қасддан нобуд қилиш ёки унга зарар етказиш) билан жиноят иши қўзғатилди.
Ушбу жиноятни муқаддам ЖКнинг учта моддаси билан судланган Самарқанд вилояти Тойлоқ туманида яшовчи С.Ф. томонидан содир этилганлиги аниқланиб, ушланган.
Live
Барчаси
