Чилида кит саёҳатчини ютиб юборди (видео)

Чили Патагонияси қирғоқларида кит 20 ёшли эркакни аввал ютиб, кейин уни ташқарига улоқтириб юборди. Бу ҳақда “Associated Press” хабар берди.

Манбага кўра, Адриан Симанкас отаси Делл билан Магеллан бўғозидаги Сан-Исидро маёқчаси яқинидаги кемада сайр қилаётганида, кит сув юзига чиқиб, Адриан ва унинг кемасини бир неча сонияга ютиб юборган ва сал ўтиб ташқарига чиқариб ташлаган.

Воқеа юз берганда бир неча метр нарида бўлган Делл ўғлини хотиржам бўлишга ундаган ҳолда бу ҳодисани видеога олган.

“Мен ўзимни ўлган, кит мени ютиб, еб юборди деб ўйлагандим”, дейди Адриан

Чили сувларида китларнинг одамларга ҳужуми жуда кам учрайдиган бўлсада, сўнгги йилларда юк кемалари билан тўқнашув оқибатида китларнинг ўлими кўпайган ва охирги ўн йилликда китларнинг йўқолиб қолишлари такрорланадиган муаммога айланган.

Маълумот учун, Чили пойтахти Сантьягодан тахминан 3000 километр жанубда жойлашган Магеллан бўғози Чилидаги Патагониядаги саргузаштлар билан машҳур бўлган асосий сайёҳлик марказидир. Бўғознинг совуқ сувлари денгизчилар, сузувчилар ва турли йўллар билан ўтишга ҳаракат қиладиган тадқиқотчилар учун қийинчилик туғдиради.