Буюк Британия ҳам коронавирусга қарши чораларни кучайтиради

Олам 3023
image

Дунёда коронавирус билан боғлиқ вазият мураккаблашиб бормоқда. Бутун дунё бўйлаб касалланганлар сони ортиб боряпти. Айни пайтда коронавирус инфекцияси юқтириб олганлар сони дунёда 38 миллиондан ошиб кетди.

Бир қатор давлатлар коронавирус билан боғлиқ чора-тадбирларни кучайтирмоқда. Франция, Италия каби давлатларда чоралар кучайтирилгани ҳақида хабар берган эдик. 

Шунингдек, Буюк Британияда ҳам коронавирусга қарши чоралар кучайтирилмоқда. Бу ҳақда мамлакат Бош вазири Борис Жонсон таъкидлаган

"Янги чоралар қўшимча чекловларни ўз ичига олиши мумкин", деган Жонсон.

Унинг таъкидлашича, ушбу чоралар ресторанлар, кўнгил очиш ва дам олиш масканлари, сартарошхона ва гўзаллик салонларига таъсир қилади. Бироқ, дўконлар, мактаблар ва университетлар одатдагидек ишлашда давом этади.

Сўнгги ҳафталарда Буюк Британияда кунлик коронавирус инфекцияси юқтириш ҳолати кўпаймоқда. Кунига 10 мингдан зиёд касалланганлар аниқланмоқда. Максимал ҳолат 4 октябрда қайд этилган - 22 минг 965 нафар. 

Эслатиб ўтамиз, Лондонда коронавирусга чалинганлар сони кўпайиши сабабли тез орада карантин чоралари кучайтирилиши мумкинлиги айтилганди

Маълумот учун, умумий ҳисобда қиролликда 618 мингдан кўп киши коронавирус юқтирган бўлиб, вафот этганлар 43 мингга яқинлашмоқда.

Дунёда 38 миллиондан кўп коронавирус билан боғлиқ ҳолат қайд этилган. 1 миллиондан зиёд киши вафот этган.

Рушана Султонова
Мақолага баҳо беринг
Баҳолаганлар: 37
Рейтинг: 3.2
t
×