Буффон ҳам фаолиятини Саудияда давом эттириши мумкин
Спорт
−
03 Июль 2023
3000Италия Б Сериясидаги “Парма” клуби дарвозабони Жанлуижи Буффон фаолиятини Саудия Арабистонида давом эттириши мумкин. Бу ҳақда футбол журналисти Николо Скира маълум қилди.
Манбага кўра, номи ошкор қилинмаган Саудия клуби 45 ёшли дарвозабонга бир мавсум учун 15 миллион евро маош билан 2025 йилгача шартнома таклиф қилган.
Бир вақтнинг ўзида футболчи иккинчи таклиф ҳақида ўйлаб кўриш учун вақт ажратишга ваъда берган.
Маълумот учун, Буффоннинг Б сериядаги “Парма” клуби билан амалдаги шартномаси 2024 йил июнь ойигача тузилган.