Болгария тарихида илк бор аёл президент сайланди

Болгарияда президентлик сайловининг иккинчи турида амалдаги давлат раҳбари Илиана Йотова ғалаба қозонди. Сайлов бюллетенларининг 99,68 фоизи ҳисоблаб чиқилгач, Илиана Йотова ҳамда унинг вице-президентликка номзоди Кирил Валчев 57,66 фоиз овоз тўплагани маълум бўлди. Бу ҳақда РБК хабар берди.

Уларнинг рақиблари – собиқ бош вазир Андрей Гюров ва Георгий Кандев 39,38 фоиз овоз олган. Сайловчиларнинг 2,96 фоизи эса номзодларнинг ҳеч бирини қўллаб-қувватламаган.

Андрей Гюров ва Георгий Кандев сайловдаги мағлубиятини тан олган. Собиқ бош вазир натижалар экзитпол ва параллел овоз ҳисоблаш жараёнида кутилганидан фарқ қилган бўлса-да, Болгария фуқаролари шундай танлов қилганини айтган.

Маълумот учун, Илиана Йотова 2017 йилдан буён Болгария вице-президенти лавозимида ишлаб келган. Президент Румен Радев муддатидан олдин истеъфога чиққач, унинг ваколатлари Йотовага ўтган. Шу тариқа, у Болгария тарихидаги илк аёл президентга айланган.

Эслатиб ўтамиз, аввалроқ Перуда Кейко Фухимори президент сифатида қасамёд қилган ва шу билан мамлакатда илк бор аёл давлат раҳбари лавозимни эгаллаган эди.