Бобонов ва Болтабоев таркибда. Ўзбекистон “Катта Дубулға” турнирига йўл олди

Бугун, 2 февраль куни Илиас Илиадис мураббийлигидаги Ўзбекистон терма жамоаси дзюдочилари Париж “Катта Дубулға” турнирида иштирок этиш учун жўнаб кетди.

Жорий йилнинг 5-6 февраль кунлари Франция пойтахти Париж шаҳрида “Катта Дубулға” турнири ўтказилади ва унда Токио Олимпиадаси совриндори Давлат Бобонов, ҳарбийлар ўртасида жаҳон чемпионлари – Дилшод Баратов ва Музаффарбек Тўрабоев, ўз вазн тоифасининг 3-рақамли дзюдочиси Шарофиддин Болтабоев ва Тунис Гран-при турнири ғолиби Шаҳрам Аҳадов иштирок этади.

Терма жамоа таркиби:

60 кг: Дилшод Баратов
73 кг: Шаҳрам Аҳадов 
81 кг: Шарофиддин Болтабоев 
90 кг: Давлат Бобонов 
100 кг: Музаффарбек Тўрабоев

Эслатиб ўтамиз, Португалиянинг Алмада шаҳридда ўтган Гран-при турнирда 73 кг вазн тоифасида олтин медални қўлга киритган Муроджон Йўлдошев IJF рейтингида 24 поғона юқорилади ва 22-ўринга жойлашди. Турнирда иштирок этмаган бўлса-да, 90 кг вазнда Давлат Бобонов пешқадамликни сақлаб қолган.