BMTga a’zo mamlakatlar pandemiya ularni shoshirib qo‘yganini tan oldi

Pandemiya BMTga a’zo davlatlarni hayratda qoldirdi. Shuning uchun, inqirozga chidamlilikni oshirish uchun xalqaro hamkorlikni kuchaytirish zarur. Bu haqda kecha, 21 sentyabr kuni BMTning 75 yilligiga bag‘ishlangan tantanali yig‘ilishda bir ovozdan qabul qilingan deklaratsiyada aytildi. 

"COVID-19 pandemiyasi bizni hayratda qoldirdi. Nafaqat, sog‘liqni saqlash sohasidagi inqirozga, balki boshqa muammoli va inqirozli vaziyatlarga ham yaxshiroq tayyorgarlik ko‘rishimiz kerakligini ko‘rsatuvchi ogohlantirish bo‘ldi", deyiladi hujjatda. 

Shu munosabat bilan, Bosh Assambleya ishtirokchilari "xalqaro hamkorlikni mustahkamlash, harakatlarni muvofiqlashtirishni oshirish va birdamlikni kuchaytirish" zarurligini ma’lum qilishdi. 

Ularning fikricha, "bilimlarni kengaytirish hamda tajriba va ma’lumot almashish" muhim.

"Jahonda inqirozning oldini olish va ularga qarshi kurashish tizimlarini takomillashtirish bilan bir qatorda yangi vaksinalar, dori vositalari va tibbiy asbob-uskunalarni ishlab chiqarish va ishlab chiqarishni jadallashtirish dolzarb vazifadir.

Biz barcha sog‘liqni saqlash xodimlari va boshqalarni qutqarish uchun o‘z sog‘ligini xavf ostiga qo‘yib, kurashayotganlarga hurmat bilan qaraymiz", deyilgan deklaratsiyada.

Ma’lumot uchun, kecha, 21 sentyabr kuni Birlashgan Millatlar Tashkiloti Bosh Assambleyasining yuqori darajadagi haftaligi ochiq, deya e’lon qilindi.
BMT Bosh Assambleyasining yuqori darajali sessiyasi koronavirus pandemiyasi sabab ilk bor videoanjuman shaklida o‘tkazilyapti.

Unda O‘zbekiston Prezidenti Shavkat Mirziyoyev ham nutq so‘zlashi haqida xabar berilgandi. O‘zbekiston rahbarining nutqi 23 sentyabrga belgilangan.