Бир йилда рекорд даражадаги журналистлар ҳалок бўлди

Ўтган 2024 йилда дунё бўйлаб камида 124 журналист ва оммавий ахборот воситалари ходимлари ўлдирилди. Бу ҳақда Журналистларни ҳимоя қилиш қўмитаси (CPJ) эълон қилди.

Маълум қилинишича, бу аввалги йилларга қараганда рекорд натижа бўлган. Бундан олдинги максимал кўрсаткич 2013 йилда бўлган, ўшанда дунё бўйлаб 113 нафар журналист ўлдирилган.

Қайд этилишича, энг кўп журналист – 85 нафари Фаластин-Исроил можароси пайтида ҳалок бўлган. Бундан ташқари, Судан ва Покистонда олти нафар, Мексикада беш нафар, Сурияда тўрт нафар, Ливан, Ироқ ва Мянмада уч нафардан журналист ҳалок бўлган.

“Кўпгина мамлакатларда бир журналист ёки оммавий ахборот воситалари ходими ўлдирилган, жумладан, Украина ва Россияда”, дейилади хабарда.

Эслатиб ўтамиз, аввалроқ “Al-Quds Today” нашри журналистлари Ғазодаги Аль-Авда шифохонасида юз бераётган воқеаларни ёритаётган вақтида уларнинг транспорт воситаси Исроил ҳаво ҳужумига учраганди. Ҳужум оқибатида журналистлар Фади Ҳассоуна, Ибраҳим ал-Шеикҳ Али, Моҳаммад ал-Ладаҳ, Фаисал Абу ал-Қумсан ва Айман ал-Жади ҳалок бўлган.