Бензема қайси жамоага ўтишни истагани маълум бўлди

Франциянинг “Лион” клуби раҳбарияти шу ёзда жамоа тарбияланувчиси Карим Бенземани қайтариш имкониятини кўриб чиққан. Бу ҳақда “L’Équipe” нашри хабар берди.

Манбага кўра, 38 ёшли ҳужумчи ҳам “Лион”да яна бир мавсум ўтказиш ғоясига жуда қизиққан ва ҳатто маош олмасдан ўйнашга тайёр бўлган.

Бироқ ўша вақтда Бензема “Ал-Ҳилол” билан шартномасини ҳали бекор қилмаган эди. Жорий йилнинг 31 август куни томонлар келишувни муддатидан олдин бекор қилди ва француз футболчиси эркин агентга айланди.

Шу билан бирга, Бензема 2030 йилга қадар Саудия Про лигасининг элчиси бўлиб қолади. “L’Équipe” маълумотларига кўра, унинг имиж шартномаси Саудиядан ташқаридаги чемпионатда фаолиятини давом эттиришига тўсқинлик қилмоқда. Саудия Арабистони давлат инвестиция фонди (PIF) билан боғлиқ бундай шартномага эга юлдузларга бошқа мамлакат чемпионатларида ўйнашга рухсат бериш масаласи жуда мураккаб.

Шу сабабли Бенземанинг футболчилик фаолиятини якунлаши эҳтимоли тобора кучаймоқда. Агар кутилмаган ўзгариш бўлмаса, “Лион”га қайтиш режаси амалга ошмаслиги мумкин.

Эслатиб ўтамиз, Бензема 2026 йил февраль ойида “Ал-Ҳилол”га ўтган ва жамоа сафида 16 та учрашувда 10 та гол ҳамда 5 та голли узатма қайд этган.