Бензема “Ал-Иттиҳод”дан кетмоқчи
Спорт
−
21 Май
2241“Ал-Иттиҳод” ҳужумчиси Карим Бензема жамоасини ўзгартирмоқчи. Бу ҳақда “Relevo” хабар берди.
Манбага кўра, 36 ёшли франциялик Саудия Арабистони чемпионатида профессионаллик ва инфратузилма йўқлигидан ҳафсаласи пир бўлган. Бироқ буни амалга ошириш қийин бўлади, чунки унинг шартномаси 2026 йилгача мўлжалланган. Қолаверса, Бенземанинг кетиши футболчига катта сармоя киритган маҳаллий раҳбарлар томонидан ҳақорат сифатида баҳоланиши мумкин.
Қайд этилишича, энг яхши ҳолатда франциялик футболчига Саудиянинг бошқа, яхши инфратузилмага эга ва турнир жадвалида юқорироқ ўринни эгаллаган клубига ўтишга рухсат берилиши мумкин. “Ал-Иттиҳод” чемпионатда 5-ўринда бормоқда, “Ал-Ҳилол” эса муддатидан аввал чемпионликни қўлга киритди.
Жорий мавсумда Бензема барча турнирлар доирасида 29 та ўйинда майдонга тушиб, 13 та гол урди ва 8 та голли узатмани амалга оширди.
LiveБарчаси