Арманистон парламентида депутатлар муштлашиб кетди (видео)

Бугун, 6 октябрь куни Арманистон парламенти йиғилиши “Фуқаролик шартномаси” депутати Тарон Чахоян томонидан Бутун арманлар католикоси Гарегин II шаънига айтилган айбловлардан сўнг навбатдаги маротаба тўхтатилди. Бу ҳақда “Sputnik Арманистон” хабар берди.

Қайд этилишича, ҳукмрон “Фуқаролик шартномаси” ва мухолифатдаги “Кучли Арманистон” депутатлари парламентда муштлашган. Содир бўлган ҳодисадан сўнг эълон қилинган танаффусдан қайтган Миллий мажлис вице-спикери Рубен Рубинян вазиятга изоҳ бериб, бу муштлашув эмас, шунчаки тартибсизлик бўлганини айтган.

“Одамлар кун тартибидан четлашганда, бу йиғилишни издан чиқарадиган турли оқибатларга олиб келади. Масалан, Республикачилар партиясининг собиқ аъзоси бизни талончилар деб атайди, “Фуқаролик шартномаси”дан кимдир эса бунга жавобан: “ўзинг талончисан, Кучли Арманистоннинг ифлос аъзосисан” дейди”, дейди у. 

“Кучли Арманистон” фракцияси раҳбари Нарек Карапетян парламент спикеридан эътироз билдириш учун сўз сўраган, бироқ Рубинян унга оҳиста эмас, қўпол тарзда рад жавобини бериб, ўз чиқиши вақтида гапиришини айтган. Сўнгра Рубинян шахсан депутат Эдгар Казарянга тўхталиб, у ҳар сафар йиғилишларнинг меъёрий боришини бузаётганини таъкидлаган.

“Агар бу ҳолат давом этса, мен шунчаки уни залдан чиқариб юбораман. Аввалига бир кунга, кейин эса регламент йўл қўядиган даражада. Қолаверса, эҳтимол, уни залдан чиқариб юбориш ўрнига, ўзимни босиб олмаслигим ва уни жойига ўтказиб қўйиш учун улоқтириб юборишимиз мумкиндир. Умуман олганда, ўз субъектингизга қараб туринг”, дейди Миллий мажлис спикери “Кучли Арманистон” фракцияси раҳбари Нарек Карапетянга қарата.

Залдаги вазият “Фуқаролик шартномаси” депутати Тарон Чахояннинг чиқишидан сўнг яна кескинлашган. У Бутун арманлар католикоси Гарегин II ни Ктрич Нерсисян деб атаган ва уни мухолифатга хизмат қилишда айблаган. Эътироз белгиси сифатида “Кучли Арманистон” депутатлари столларни ура бошлаган.

Шундан сўнг, ҳукуматпараст ва мухолифатчи депутатлар яна бир-бирларига бақириб, ҳақорат қила бошлаган, муштлашув авжига чиққан. Миллий мажлис вице-спикери Рубен Рубинян иккинчи марта режадан ташқари танаффус эълон қилган.

Эслатиб ўтамиз, 2025 йилнинг июль ойида Арманистон Миллий мажлисининг навбатдан ташқари йиғилишида ҳукмрон ва мухолифат партия аъзолари ўртасидаги оғзаки баҳс муштлашувга айланган эди.