“Арқадағ” Ўзбекистонга келади

Олам 8357
image

Туркманистон Президенти Гурбангули Бердимуҳамедов Ўзбекистонга ташриф буюради. Бу ҳақда “Олтин аср” давлат ахборот агентлиги хабар берди.

Маълум қилинишича, кеча, 6 август куни Гурбангули Бердимуҳамедов Вазирлар Маҳкамаси йиғилишини ўтказган. Йиғилишда Президент Ўзбекистон билан конструктив мулоқот ўрнатишда алоҳида ўрин тутадиган савдо-иқтисодий, илмий-техникавий ва маданий ҳамкорлик бўйича туркман-ўзбек қўшма комиссиясининг навбатдаги масжлисига пухта тайёрланиш кераклигини таъкидлаган.

Шунингдек, йиғилишда "Арқадағ" тез орада давлат раҳбари бошчилигидаги Туркманистон ҳукумати делегацияси Ўзбекистонга сафар қилишини қўшимча қилган. У ташриф давомида қатор ҳужжатлар имзоланишини таъкидлаган.

Маълумот учун, Туркманистон Президенти сўнгги бор 2019 йил ноябрь ойида Ўзбекистонга ташриф буюрганди.

Суннатилла Абдуллаев
Мақолага баҳо беринг
Баҳолаганлар: 302
Рейтинг: 3
t
×