Apple MacBook’нинг янги моделларини тақдим этди

Кеча, 18 октябрь куни Apple Inc (AAPL. O) иккита кучли M1 MAX ва M1 PRO чипли MacBook Pro моделини тақдим қилди. Ушбу MacBook Pro аввалги Intel Corp (INTC. O)дан анча фарқ қилади. Бу ҳақда “Reuters” нашри хабар бермоқда.

Янги 14 ва 16 дюймли моделларнинг нархи 1 999 доллардан бошланади ва уларнинг энг қиммат турлари 6 099 долларгача баҳоланади.  Apple M1 MAX ва M1 PRO чипларидан фойдаланганлиги сабабли рақиб Intel ва Advanced Micro Devices (AMD. O) компанияларидан ўзиб кетганини даъво қилмоқда.

Маълум қилинишича, онлайн тақдимотда Apple Intel чипларидан бутунлай воз кечганидан сўнг, компьютерлари қандай кўринишини намойиш қилган. Айтилишича, чиплар Маc сотуви миқдорини кўпайтириб, жорий йилнинг биринчи тўққиз ойида компания даромади 32 фоизга ошиб, 26 миллардга етишига сабаб бўлган. 

Қайд этилишича, 14 дюймли модельнинг нархи 1 999 доллардан бошланади, 16 дюймлиники эса 2 499 доллардан. Ушбу янги моделлар кейинги ҳафтадан сотувга чиқарилади.

Кечаги тақдимотда Apple, шунингдек AirPods симсиз қулоқчинларининг учинчи авлодини намойиш этган.  Apple'нинг янги AirPods'лари машғулотларда ишлатганда ҳам тер ва сувга чидамли бўлиб, аввалги юқори даражадаги AirPods Pro'даги баъзи аудио хусусиятларга эга бўлади. Ушбу  AirPods'ларнинг нархи 179 долларни ташкил қилади ва у ҳам келаси ҳафтадан сотувга чиқади.

Айтиш жоизки, Apple тақдимотидан сўнг, кечанинг ўзида компания акциялари 0,8 фоизга ошди.