Америка чемпионатида футболкаси энг кўп сотилган футболчилар рейтинги эълон қилинди
Спорт
−
11 Июнь 3317
Аргентиналик ҳужумчи Лионель Месси 2024 йил Америка чемпионатида либоси энг кўп сотилган футболчи бўлди. Бу ҳақда МЛС матбуот хизмати хабар берди.
Рўйхатда аргентиналик “Интер Майами” ҳужумчиси Лионель Месси етакчилик қилаётган бўлса, унинг жамоадоши Луис Суарес иккинчи, цинциннатилик Лусиано Акоста эса 3-ўринда қайд этилди.
Футболкаси энг кўп сотилган 10 нафар футболчи қаторига Кучо Эрнандес (“Колумбус”), Рики Пуч (“Лос-Анжелес Гэлакси”), Педро де ла Вега ва Жордан Моррис (иккаласи ҳам “Сиэтл Саундерс”), Хани Мухтар (“Нашвилл”), Жоржиос Якумакис (“Атланта Юнайтед”) ва Эмил Форсберг (“Нью-Йорк Ред Буллз”) кирди.
Маълумот учун, Месси ўтган ёзда “Интер Майами”га ўтган эди. Бу даврда у барча турнирларда 29 та учрашувда қатнашиб, 25 та гол урди ва 16 та голли узатмани амалга оширди.
