“Али Хўжа, Хўжа Али”. Хоразмнинг 2 ҳокими бошқа туманларга ҳоким бўлди

Жамият

−

07 Ноябрь 2023 visibility9460 timer1 дақиқа

Хоразмнинг Шовот ва Қўшкўпир туманларига янги ҳокимлар тайинланди. Бу ҳақда вилоят ҳокимлиги маълум қилди.

Ойбек Холбоев Мадаминович Шовот тумани ҳокими лавозимига тайинланди. У тайинловга қадар Урганч шаҳри ҳокими лавозимида ишлаб келаётган эди. Холбоев 2018-2020 йиллар мобайнида Урганч шаҳар ҳокими бўлган, кейинчалик 3 йилга қамалган Шуҳрат Абдуллаев ўрнига келган. Шунингдек, Ойбек Холбоев Боғот тумани ҳокими сифатида ҳам ишлаган.

У 2019 йил сентябрь ойида туманда фуқаролар пахта теримига мажбуран жалб этилгани туфайли жаримага тортилган.

Бундан ташқари, Шуҳрат Аҳмедов Курвондурдиевич Қўшкўпир тумани ҳокими этиб тайинланди. У жорий йилнинг 1 апрель куни Тупроққалъа тумани ҳокими этиб тасдиқланганди. Аҳмедов Тупроққалъа ҳокими бўлгунча Хоразм вилояти қишлоқ хўжалиги бошқармаси бошлиғи лавозимида ишлаган.

Мақола муаллифи