АҚШдан депортация қилинган ўзбекистонликлар Тошкентга қайтди

АҚШдан Коста Рикага депортация қилиниши режалаштирилган Ўзбекистон фуқаролари Тошкентга қайтарилди. Бу ҳақда Ўзбекистон Ташқи ишлар вазирлиги матбуот котиби Аҳрор Бурҳонов маълум қилди.

Унинг билдиришича, АҚШ томони билан олиб борилган музокаралар натижасида Коста Рикага юборилиши режалаштирилган, лекин Ўзбекистонга қайтиш ниятида бўлган 7 нафар ўзбекистонлик кеча, 24 февраль куни Нью-Йорк–Тошкент йўналиши бўйича Ўзбекистонга етиб келган.

Маълумот учун, 20 январь куни АҚШ Презденти Дональд Трамп инаугурация нутқида Америка ҳудудига ноқонуний киришни тўхтатишга ва миллионлаб муҳожирларни экстрадиция қилишга ваъда берган. Шунингдек, жанубий чегарадаги вазият туфайли умуммиллий фавқулодда ҳолат жорий қилган.

Эслатиб ўтамиз, аввалроқ Америка Қўшма Штатлари мамлакатда рухсатсиз бўлиб турган ўзбекистонлик муҳожирларни Панамага депортация қилаётгани ҳақда маълум қилинганди. Бунинг ортидан Ўзбекистон элчихонаси АҚШ ҳукуматига Панамага депортация қилинганлар бўйича сўров киритди.