АҚШдаги тўполонда Капитолийдан минбар ўғирлаган шахс ушланди

Олам 5234
image

АҚШда Флорида штатида яшовчи 36 ёшли Адам Жонсон ҳибсга олинди, у 6 январь куни Капитолий биносига бостириб кирганлар орасида бўлган. Танишларининг сўзларига кўра, айнан Жонсон АҚШ Конгресси биноси ичида Вакиллар Палатаси президенти Ненси Пелосининг минбари билан уни ўғирлаб кетаётган вақтда суратга тушган.

Флорида штатидаги WTSP телерадиокомпанияси Жонсоннинг ҳибсга олингани ҳақида хабар берди. Компанияга кўра, Жонсон Флорида штатининг Пинеллас округида федерал ордер асосида қамоққа ташланган.

Жонсон Пинеллас округи шерифи ва WFLA телеканали маълумотларига асосланиб, федерал маршал томонидан берилган ордер асосида ҳибсга олинган. Унга кўра, Жонсон 2020 йилда Флорида штатидаги Манати округида бўлиб ўтган президентлик сайловларида сайловчи сифатида рўйхатга олинган, шу билан бирга у партияга мансублигини кўрсатмаган. Бунгача Жонсон президентлик сайловларида фақат 2004 йилда овоз берган.

Аввалроқ АҚШда Пелосининг яна бир “жиноятчиси” Арканзасдан Ричард Барнетт ҳибсга олинган эди. У Вакиллар Палатаси Спикери стулида ишчиларнинг столида оёқларини кўтарган ҳолда суратга тушган.

Умиджон Нозимжонов
Мақолага баҳо беринг
Баҳолаганлар: 143
Рейтинг: 2.9
t
×