АҚШдаги қамоқхонадан 11 маҳбус қочиб кетди (видео)

АҚШнинг Нью-Орлеан шаҳридаги қамоқхонадан 11 нафар маҳбус қочиб кетди. Бу ҳақда ABC News полицияга таяниб хабар берди.

Орлеан адлия марказидан қочган эркакларнинг тўрт нафари қотилликда айбланган. Хусусан, 2018 йилнинг кузида шаҳар фестивалида икки кишини ўлдирган ва икки кишини яралаган Деррик Гровес қамоқдан қочиб кетган.

Қочганлар орасида оиладаги зўравонлик, одам ўлдиришга уриниш ва қурол сақлашда айбланганлар ҳам бор. Эркаклар қамоқхонани кечаси тарк этган ва уларнинг йўқлигини қўриқчилар эрталаб пайқаган.

Камералардан бирида ташқарига чиқадиган тешик аниқланган. Жиноятчилар деворга қочиш жуда осон бўлганини ёзиб кетган.

Маҳбусларнинг Кенделл Майлс француз кварталидан топилган. Расмийларга кўра, у меҳмонхона гаражида машина тагига яширинган ҳолда топилган. Майлс иккинчи даражали қотилликка уринишда айбланмоқда.

Полиция маълумотларига кўра, иккинчи маҳбус Роберт Муди кеча,16 май куни кечқурун қўлга олинган. Мудининг қўлга олингани ҳақида қўшимча маълумот дарҳол эълон қилинмади. Учинчи маҳбус – Дкенан Деннис эса Чеф Ментеур шоссеси яқинида қўлга олинган.

Саккиз маҳбус озодликда қолмоқда, жумладан, иккинчи даражали қотилликда айбланаётган тўрт киши - Кори Бойд, Лентон Ванбурен, Жермейн Доналд ва Деррик Гровз.

Эслатиб ўтамиз, аввалроқ Бангладеш шарқида жойлашган Газипур шаҳридаги Кашимпур қаттиқ тартибли марказий қамоқхонасидан 200 дан ортиқ маҳкум қочишга муваффақ бўлганди.