AQSH o‘zbekistonlik muhojirlarni harbiy samolyotda Panamaga deportatsiya qildi

Amerika Qo‘shma Shtatlari mamlakatda ruxsatsiz bo‘lib turgan o‘zbekistonlik muhojirlarni Panamaga deportatsiya qilmoqda. Bu haqda “New York Times” xabar berdi.

Qayd etilishicha, Amerika harbiy reysi AQSH immigratsiya hibsxonasida bo‘lgan osiyolik muhojirlarni Panamaga deportatsiya qilgan va ular orasida O‘zbekiston fuqarolari ham mavjud.

“Bu Tramp ma’muriyati davridagi ma’lum bo‘lgan birinchi deportatsiya”, deyiladi xabarda.

Ma’lum qilinishicha, ushbu noqonuniy muhojirlar orasida Afg‘oniston, Xitoy, Hindiston, Eron va O‘zbekistondan kelgan kattalar va bolali oilalar bo‘lgan.

Xabarga ko‘ra, AQSHning Panamaga yana bir harbiy samolyoti ba’zi afrikalik deportatsiya qilinganlardan va yana osiyolik muhojirlarni deportatsiya qilishi kutilmoqda.

“Bu jami 360 nafarga yaqin kishini qamrab olishi kutilayotgan uchta rejalashtirilgan reysdan birinchisi. Bu katta narsa emas”, deyiladi xabarda.

AQSHning 13 fevral kungi bayonotida Panama Tashqi ishlar vazirligi Tramp ma’muriyati bilan kelishuvga binoan AQSHga panamalik bo‘lmaganlarni Markaziy Amerika mamlakatiga deportatsiya qilishga ruxsat beruvchi birinchi reysni qabul qilganini tasdiqladi.

Aytilishicha, deportatsiya parvozida Afg‘oniston, Xitoy, Hindiston, Eron, Nepal, Pokiston, Shri-Lanka, Turkiya, O‘zbekiston va Vetnamdan 119 nafar fuqaro deportatsiya qilingan. Vazirlikning qo‘shimcha qilishicha, kelishuv bo‘yicha deportatsiya xarajatlari AQSH tomonidan qoplanadi.

Tramp ma’muriyati deportatsiya bo‘yicha ko‘proq kelishuvlarni ilgari surgan, ammo yana qancha kelishuvlar bo‘lishi noma’lum.

Nashrning yozishicha, Panamaning deportatsiya qilinganlarni qabul qilishga tayyorligi, shuningdek, Tramp 1999 yilda AQSH Panamaga bergan strategik ahamiyatga ega Panama kanali ustidan nazoratni qaytarib olishdan manfaatdor ekanligini bildirgan paytga to‘g‘ri keladi. Panama rahbarlari bu g‘oyani mutlaqo rad etgan.

Eslatib o‘tamiz, avvalroq Amerika Qo‘shma Shtatlari Xavfsizlik departamentining Tergov boshqarmasi (HSI) 3 fevralga qadar AQSH bo‘ysunuvidagi Puerto-Rikoda federal immigratsiya qonunlarini buzganlikda ayblab, 100 kishini, jumladan O‘zbekiston fuqarolarini ham hibsga olgandi. Hibsga olishlar joriy yil 26 yanvarda butun mamlakat bo‘ylab boshlangan operatsiyalar doirasida va AQSH Prezidenti Donald Trampning noqonuniy immigratsiyaga qarshi kurashish bo‘yicha buyruqlariga binoan amalga oshirilgan.