Абдулла Азизов лавозимидан “учди”

Жамият

image

Абдулла Азизов Соғлиқни сақлаш вазирининг ўринбосари лавозимидан озод этилди. У бошқа ишга ўтказиляпти.

Маълумот учун, Абдулла Азизов 2020 йилнинг 3 июлида ССВ раҳбарининг ўринбосари этиб тайинланганди.

Абдулла Азизов 2004 йилда Жаҳон иқтисодиёти ва дипломатия университетининг Халқаро иқтисодий муносабатлар факультетини тамомлаган. Ўқиш давомида 2003 йил Япониянинг Нагоя университетида иқтисодиёт йўналишида ўқиган.

2006 йили Даниянинг Орхус университетида молия ва халқаро бизнес йўналиши бўйича магистр даражасини олган.

Шунингдек, 2006 йилда Даниянинг Орхус техника коллежини IT-дастурчи мутахассислиги бўйича тамомлаб, ушбу йўналишда меҳнат фаолиятини бошлаган.

Абдулла Азизов 2006 йилдан бугунги кунга қадар Данияда “Maersk A/S”, “DONG Energy A/S”, “Carlsberg A/S”, “Implement consulting group”, “Vestas A/S” ҳамда “Danfoss” компаниясида Молиявий бизнес лойиҳаларини автоматлаштириш соҳасига юқори стандартларни жорий қилиш бошқармаси бошлиғи лавозимида ишлаб келаётган эди.

У йирик халқаро компанияларда IT-маслаҳатчиси, IT-ечимларни жорий қилиш лойиҳаси раҳбари, бизнес лойиҳасида ишлаб чиқариш ва стратегияларни жорий қилиш бўйича менежер маслаҳатчиси, бошқарма бошлиғи каби масъулиятли лавозимларда фаолият юритиб келган.

Абдулла Азизов Ўзбекистонга қайтгач, 2019 йил сентябридан 2020 йил июлигача Ўзбекистон Республикаси Давлат солиқ қўмитаси раиси ўринбосари лавозимида фаолият юритиб келган.


Мақола муаллифи

Теглар

ССВ Абдулла Азизов

Баҳолаганлар

1001

Рейтинг

3

Мақолага баҳо беринг

Дўстларингиз билан улашинг