Аҳмадалиев Иноуэни ютишига уйимни тикаман – Хирн

Ўзбекистонлик профессионал боксчи Муроджон Аҳмадалиевнинг промоутери Эдди Хирн мижози япониялик мутлақ жаҳон чемпиони Наоя Иноуэни мағлуб эта олишига тўлиқ ишонмоқда. Бу ҳақда Хирн “Matchroom Boxing”га берган интервьюсида айтди.

“Ушбу жанг WBA томонидан икки марта қайд этилган. Биринчи марта улар Муроджонни четлаб ўтиш учун пул тўлашди. Жанг ўтказилиши борасида иккинчи марта қилинган буйруқдан ҳам Иноуэ жамоаси қочишни уддалади. Аҳмадалиев Наоя Иноуэни мағлуб этади. Бунинг учун Муроджонда етарлича маҳорат бор. “Йўқ, Наоя ҳеч кимдан қўрқмайди”, деганлар ҳам бор. Иноуэ қўрқмаслиги мумкин, лекин унинг жамоаси биздан қўрқади, чунки боксдаги ҳамма Аҳмадалиевнинг қанчалик кучли эканлигини билади. Энг яхшилар энг яхшилар билан жанг қилсин. Бу дивизиондаги ягона жанг. Бу спорт тарихидаги энг яхши жанглардан бири бўлади”, дейди Хирн.

Шунингдек, Хирн Муроджоннинг жангига ҳатто уйини тикишга тайёрлигини билдирди. 

“Мен Муроджон Наояни енгишига ўз уйимни тикаман. Гудман билан жангдан сўнг Наоя  камардан воз кечиши ёки жанг қилиши керак. Ишончим комилки, улар жанг қилиш учун чиқмайдилар. Агар улар буни қилсалар, уни энг яхши фунт-стерлинг жангчиси деб айтманг, чунки бу одам уни мағлуб этади”, дейди Хирн.

Эслатиб ўтамиз, аввалроқ WBA Иноуэнинг Сэм Гудман билан жангдан кейин Аҳмадалиев билан тўқнаш келиши борасида буйруқ бергани хабар қилинганди.