67 yil o‘qituvchilik qilgan ayol rekord o‘rnatdi
Bu qiziq
−
04 fevral 7705 1 daqiqa
AQSHning Michigan shtatida yashovchi 90 yoshli ingliz tili o‘qituvchisi Beverli Xannett-Prays uzoq yillik samarali mehnat faoliyati natijasida Ginnessning rekordlar kitobidan joy oldi. Bu haqda tashkilot rasmiy saytida xabar berildi.
Tajribali muallima Xannett-Prays o‘z faoliyatini 1958 yilda boshlagan. Uning mehnat staji 67 yilu 142 kunni tashkil etadi. O‘qituvchining qo‘lida tahsil olgan minglab o‘quvchilar orasida dunyoga mashhur shaxslar – aktyor Robin Uilyams (marhum) hamda Microsoft kompaniyasining sobiq bosh direktori Stiv Balmer ham bor.
Hozirda Beverli Xannett-Prays Michigan shtatidagi “Detroit Country Day School” maktabida dars berishni davom ettirmoqda. U hali-beri nafaqaga chiqish niyatida emas.
Eslatib o‘tamiz, avvalroq Xitoyda gumanoid robot 3 kunda 66 mil (106 km) piyoda yurib, Ginnesc rekordlar kitobiga kirgani haqida xabar berilgan edi.
Jamshidbek Amirov
Live
Barchasi
