2026 йилги Олимпия ўйинларининг биринчи ғолиби эълон қилинди (видео)

Швейцариялик тоғ чанғиси спортчиси Франьо фон Алльмен Италиянинг Бормио шаҳрида бўлиб ўтган Олимпия ўйинларида тоғ чанғиси бўйича олтин медални қўлга киритди. Бу ҳақда “The Guardian” хабар берди.

Маълумотларга кўра, ғолиб 1 дақиқа 51,61 сония натижа кўрсатган. Иккинчи ўринни италиялик Жованни Франзони, учинчи ўринни эса италиялик Доминик Парис эгаллаган.

24 ёшли фон Алльмен 2025 йилда икки карра жаҳон чемпиони бўлган ва шу турнирда пастга тушиш ва жамоавий баҳсларда ғолиб чиққан.

Спортчилар Италиядаги Олимпия ўйинларида биринчи медаллар тўплами учун курашади. Ўйинлар 22 февраль куни якунланади. Жами 116 та медаллар тўплами ўйналади.

Эслатиб ўтамиз, бугун, 7 февралга ўтар кечаси Италияда Милан-Кортина–2026 қишки Олимпия ўйинларининг тантанали очилиш маросими бўлиб ўтган эди. Мазкур тадбирда шорт-трек бўйича Ўзбекистон терма жамоаси аъзоси Даниил Ейбог Ўзбекистон делегация байроқдори вазифасини бажаради.