2020 йилда 78 минг гектардан зиёд ер қонунга хилоф ажратилган – Норбоева

Жамият

image
“Целый бозор-а” – Жиззах ҳокимининг собиқ ўринбосари ўмарган пулларини нимага сарфлагани айтилди north_east

“Целый бозор-а” – Жиззах ҳокимининг собиқ ўринбосари ўмарган пулларини нимага сарфлагани айтилди

Олий Мажлис Сенати раиси Танзила Норбоева юқори палатанинг ўн тўртинчи ялпи мажлисида 2020 йилда аниқланган ер ажратиш билан боғлиқ қонунбузилиш ҳолатларига ҳам тўхталиб ўтди. Раисга кўра, ўтган йилда 78 минг гектардан зиёд ер қонунга хилоф тарзда ажратилган.

Танзила Норбоева ўтган йилда 2,5 мингдан зиёд бюджет муассасасида 301 млрд сўмдан ортиқ бюджет маблағлари талон-тарож қилингани, нархларни сунъий ошириш орқали давлат харидларини амалга ошириш ҳолатлари аниқлангани ташвишли ҳолдир.

“Коррупцияга қўл урган мансабдор шахслар сони кўпайиб бораётгани (2019 й. – 1 339 нафар, 2020 й. – 1 723 нафар) мазкур иллатга қарши курашишни янада кучайтиришни тақозо этади”, деди Норбоева.

Таҳлилларга кўра:

•    Қурилиш соҳасидаги 44 та қонун ҳужжати экспертизадан ўтказилганда, уларнинг ярмида (23 тасида) 124 та;

•    Соғлиқни сақлаш соҳасидаги 70 та қонун ҳужжатининг 19 фоизида (13 тасида) 41 та;

•    Таълим соҳасидаги 96 та қонун ҳужжатининг 18 фоизида (17 тасида) 81 та коррупциявий омиллар аниқланган.

“Шулардан келиб чиқиб, прокуратура мазкур йўналишдаги ишларда таъсирчан ва қатъий чоралар қўллаши, Коррупцияга қарши курашиш миллий кенгашига аниқ таклифлар киритиши зарур.

Тадбиркорликни қўллаб-қувватлаш борасида жойлардаги мутасаддилар масъулиятни тўла хис қилмаяпти. 5 200 дан зиёд тадбиркор ҳуқуқлари бузилган. Тадбиркоролар манфаатларига зид келувчи 350 дан зиёд ноқонуний ҳужжат чиқарилган. 24 мингга яқин тадбиркорнинг турли йўналишлардаги (кредит, ер, бино, коммуникация, лицензия) муаммолари фақатгина прокуратура органларининг аралушувидан кейин ҳал қилинган”, дейди Норбоева.

Унинг қайд этишича, қишлоқ хўжалигида ердан самарали фойдаланишга етарлича эътибор қаратилмаганлиги оқибатида 10 минг гектардан зиёд ер ўзбошимчалик билан эгалланган. Қарийб 14 минг гектар ердан мақсадсиз фойдаланилган. Минглаб тонна уруғлик, минерал ўғит, нефть маҳсулотлари ва бошқа ресурслар ноқонуний эгалланган.

2019 йилда ирригация, мелиорация тадбирлари учун ажратилган 1,7 млрд сўм маблағ талон-тарож қилинган бўлса, ўтган йилда бундай талон-тарожликлар қарийб ўн баробарга ошиб, 16 млрд сўмни ташкил этган. Мазкур йўналишда 2019 йилда 92 та жиноят аниқланган бўлса, ўтган йилда бу рақам қарийб тўрт баробарга ошиб, 359 тани ташкил этган.


Мақола муаллифи

Теглар

Танзила Норбоева

Баҳолаганлар

39

Рейтинг

3

Мақолага баҳо беринг

Дўстларингиз билан улашинг