Benzema OKMKga qarshi maydonga tushadimi? Tarkib e’lon qilindi
Sport
−
18 Sentabr 2023 7666 1 daqiqa
Bugun, 18 sentyabr kuni futbol bo‘yicha Osiyo Chempionlar ligasining (OCHL) guruh bosqichi o‘yinlari bo‘lib o‘tadi. Ahamiyatlisi, unda Mirjalol Qosimov murabbiyligidagi Olmaliqning OKMK klubi Jidda shahrida “Al-Ittihod” bilan o‘zaro bahslashadi.
“Al-Ittihod” Toshkent vaqti bilan 21:00 da start oladigan uchrashuv uchun o‘zining asosiy tarkibini ma’lum qildi. Unga ko‘ra, jamoaning asosiy forvardi hisoblangan Karim Benzema qaydnomaga kiritilmagan. 7-raqam ostida to‘p suradigan Kante esa o‘zbekistonlik futbolchilarga qarshi maydonga tushadigan bo‘ldi.
Eslatib o‘tamiz, bugunning o‘zida O‘zbekiston nomidan yana ikki klub – Qarshining “Nasaf” hamda Namanganning “Navbahor” klublari dastlabki turda maydonga tushadi. “Nasaf” safarda Iordaniyaning “Al-Faysali” jamoasiga qarshi, “Navbahor” bo‘lsa Saudiyada Neymar boshchiligidagi “Al-Hilol”ga qarshi saf tortadi.
Live
Barchasi
