Эрдўғаннинг сайловдаги рақиби Қиличдорўғлининг кортежи ЙТҲга учради (видео)
Олам
−
05 Август 2023 8856
Жорий йилнинг май ойида Туркияда ўтказилган президентлик сайловида амалдаги Президент Ражаб Тойиб Эрдўғанга қарши номзодини қўйган Камол Қиличдорўғлининг кортежи бугун, 5 август куни ҳалокатга учради. Бу ҳақда “SonDakika” хабар берди.
Қайд этилишича, Туркиянинг Тунжели ҳудудида, Эрзинжон-Тунжели йўлида Қиличдорўғлининг автомобили ҳаракатланаётган кортеждаги 7 та машина иштирокида йўл-транспорт ҳодисаси юз берган. Автомобиль карвонида кетаётган микроавтобус ЙТҲ натижасида зарар кўрган. Ҳодиса оқибатида микроавтобусдаги 4 нафар йўловчи жароҳатланган, улардан икки нафари журналистлар бўлган.
Ҳозирча воқеанинг бошқа тафсилотлари очиқланмади. ЙТҲда Қилчдорўғлига зарар етган ёки йўқлиги ҳам ҳозирча маълум эмас.
Эслатиб ўтамиз, шу йилнинг 28-май куни бўлиб ўтган Туркия президентлик сайловининг иккинчи турида амалдаги президент Эрдўған 52,8 фоиз овоз билан ғалаба қозонган, 47,9 фоиз овоз тўплаган Қиличдорўғли эса ундан бироз ортда қолган эди. Кейинроқ CHP раиси унга қарши қўзғатилган 28 та даъво иши бўйича 110 йилга қамалиши мумкинлиги маълум қилинганди.
