“Гарри Поттер” қаҳрамони Пол Грант вафот этди

Лондонда “Гарри Поттер” фильмининг қисмларидан бирида, шунингдек, “Юлдузлар жанги” фильмида роль ижро этган актёр Пол Грант 56 ёшида вафот этди. 

“The Guardian” нашрининг ёзишича, 16 март куни актёр Лондон шимолидаги Кингс-Кросс вокзали яқинида топилган. Грант ҳушсиз эди, баъзи маълумотларга кўра, у ҳушидан кетган. 

Кўп ўтмай у шифохонага олиб борилган, лекин кўрилган чораларга қарамай, актёрнинг ҳаётини сақлаб қолишнинг имкони бўлмаган. 20 март куни шифокорлар унинг вафот этганини эълон қилди. Актёр икки қизи, ўғли ва ўгай ўғиллари, шунингдек, набиралари бор эди. 

Актёрнинг қизи Софи Жейн Грант “Sky News” нашрига берган изоҳида унинг ўлимини тасдиқлаган. 

Ўлимидан уч ҳафта олдин актёр вокзалдан интервью берди. Бу вақтда Грант спиртли ичимлик истеъмол қилган ва спиртли ичимликларга ҳаддан ташқари берилиб кетганини яширмаган. Актёр ҳаётидан нолиди ва гонорарларини бемаъниликларга сарфлаганини тан олди.