Ҳусанов ЖЧнинг энг тезкор футболчилари қаторидан жой олди

Ўзбекистон миллий терма жамоаси ҳимоячиси Абдуқодир Ҳусанов Жаҳон чемпионатининг дастлабки ўйинида энг тезкор футболчилардан бири бўлди. Бу ҳақда FIFA хабар берди.

FIFA расмий сайти 2026 йилги Жаҳон чемпионатининг биринчи туридан кейинги энг тезкор футболчилар рейтингини эълон қилди. Унга кўра, Ҳусанов соатига 36,5 километр тезликка эришиб, бу кўрсаткич бўйича “Манчестер Сити”даги жамоадоши – Норвегия терма жамоаси ҳужумчиси Эрлинг Ҳоланд билан бир ҳил кўрсатгич қайд этган.

Ушбу рўйхатда биринчи ўринни австриялик ҳимоячи Жордан Бос эгаллаган. Унинг дастлабки турдаги кўрсатгичи 36,7 километрни ташкил этади.

Маълумот учун, Абдуқодир Ҳусанов Жаҳон чемпионатининг илк турида Колумбияга қарши баҳсда майдонга тушган ва жамоасининг энг фаол футболчиларидан бири бўлган эди.

Эслатиб ўтамиз, аввалроқ “Sofascore” портали Аббосбек Файзуллаев 2026 йилги Жаҳон чемпионатида дастлабки турида қайд этилган энг юқори тезлик соҳиби бўлганини маълум қилганди. Портал маълумотларига кўра, ўзбекистонлик футболчи турнир давомида соатига 36 километр тезликка эришган.