Ҳокимликнинг яна бир ваколати қисқартирилади

Жамият 4740
image

Ўзбекистон қонунчилигига кўра, аҳоли ўзига тегишли бўлган уй-жойларни тадбиркорлик фаолиятини амалга ошириш мақсадида нотурар жой тоифасига ўтказиш учун маҳаллий ҳокимларнинг қарорлари билан 11 кунлик муддатда рухсат олади. 
 
Бироқ, Давлат хизматлари Агентлиги бош маслаҳатчиси Ойбек Хидаевга кўра, шу кунга қадар амалдаги қонунчиликда нотурар жойни қайта турар жой тоифасига ўтказиш тартиби белгиланмаган. Оқибатда турли хил ҳуқуқни қўллаш амалиёти вужудга келиб, аҳолини айрим ҳолларда коррупция ва қоғозбозлик ҳолатларига олиб келишига замин яратиб келган. 

 Аксар ҳолларда ваколатли органлар ушбу муддатларни сабабсиз бир ойгача кечиктирилган ҳолатлар кўп кузатилган.

 Адлия вазирлиги томонидан мазкур давлат хизматининг кўрсатилишини соддалаштиришни назарда тутувчи қарор лойиҳаси ишлаб чиқилиб, Вазирлар Маҳкамасига тасдиқлаш учун киритилди.
 
Эндиликда, таклиф этилаётган тартибда (турардан нотурарга ва нотурардан турар жой тоифасига ўтказишга рухсатнома бериш):

- ҳокимларнинг рухсат берувчи қарор қабул қилиши механизмини бекор қилиш;

- рухсатнома бериш муддати 11 кунликдан 4 иш кунига қисқартириш;

- туман қурилиш бўлими томонидан электрон шаклда рухсатномалар берилиши назарда белгиланмоқда.
 

Акбаржон Абдураимов
Мақолага баҳо беринг
Баҳолаганлар: 140
Рейтинг: 3.0
Будьте в курсе событий!
×
×