Ҳабиб Нурмагомедовга ММА’га қайтиш учун 200 миллион доллар таклиф қилинди

Sport

−

image

UFC собиқ чемпиони, мағлубиятсиз россиялик жангчи Ҳабиб Нурмагомедовга (29–0) ММА’га қайтиш учун америкалик блогер ва боксчи Жейк Полнинг 200 миллион доллар таклиқ қилди. Бу ҳақда “Championship Rounds” нашри хабар берди.

Ижтимоий тармоқларда 38 ёшли Нурмагомедов ва уни ММА’га қайтишга кўндиришга уринган Жейк Пол ўртасидаги суҳбат видеоси тарқалди. Америкалик жангчи россияликка PFL билан ҳамкорлик қилаётган Most Valuable Promotions (MVP) промоутерлик компанияси остида жанг қилишни таклиф этди.

“Қачон қайтасиз? 200 миллион доллар эвазига-чи?” деб сўради Пол.

“Нега қайтишим керак? Менда исботлашим керак бўлган ҳеч нарса қолмаган. Рақибим йўқ, фақат пул бор. Пул эса мен учун мотивация эмас”, дея жавоб берди Нурмагомедов. 

Шундан сўнг Пол россияликни унинг қайтиши ММА саноатида катта ўзгаришларга сабаб бўлиши ва янги промоушен ривожига ёрдам бериши мумкинлигига ишонтиришга уринди. Бироқ Нурмагомедов ўз қарорини ўзгартирмади.

Маълумот учун, Ҳабиб Нурмагомедов 2020 йил октябрь ойида Абу-Дабида ўтказилган UFC 254 турнирида америкалик Жастин Гэтжини мағлуб этганидан сўнг фаолиятини якунлаган. У рақибини иккинчи раундда бўғиш усули билан таслим этган ва профессионал фаолиятини 29 та ғалаба билан мағлубиятсиз якунлаган.

Ҳозирда россиялик мураббийлик билан шуғулланади. У UFC чемпиони Ислом Махачев ва PFL чемпиони Усмон Нурмагомедов каби жангчиларнинг тайёргарлик жараёнида иштирок этади. 


Rate Count

0

Rating

3

Rate this article

Share with your friends