Япония Шимолий Корея раҳбаридан миннатдор бўлди

Япония ҳукумати Шимолий Корея етакчиси Ким Чен Инга Янги йил куни Японияда юз берган кучли зилзила ва бир қатор кучли офатлар муносабати билан ҳамдардлик билдиргани учун миннатдорлик билдирди. Бу ҳақда Япония Вазирлар Маҳкамаси бош котиби Ёсимаса Хаяши маълум қилди.

6 январь, шанба куни эрталаб Корея давлат марказий ахборот агентлиги (KCNA) Ким Чен Ин Япония бош вазири Фумио Кисидага ҳалокатли зилзила туфайли қурбонлар ва жароҳатланганларга ҳамда табиий офат оқибатида етказилган моддий талафотлар муносабати билан ҳамдардлик билдирганини хабар қилган эди.

Бу хатга жавобан, Япония ҳукумати Шимолий Корея раҳбаридан таъзия билдиргани учун хурсанд бўлган.

“Биз Ким Чен Инга ҳамдардлиги учун миннатдорлик билдирамиз”, деган Хаяши матбуот анжуманида.

Аввалроқ, Ким Чен Иннинг онаси Ко Ён Хи Японияда туғилгани ва 1960 йилларда Шимолий Кореяда раққосалик қилгани ҳақидаги тахминлар борлигини ёзгандик.

Эслатиб ўтамиз, жорий йилнинг 1 январь куни Японияда содир бўлган зилзила оқибатида 200 дан ортиқ одам вафот этган.