“Barselona” Pedridan keyin Gavi bilan ham shartnomani uzaytirdi
Sport
−
31 yanvar 2025 3316 1 daqiqa
Kataloniyaning “Barselona” klubi yarim himoyachi Gavi bilan shartnomani uzaytirdi. Bu haqda klub matbuot xizmati xabar berdi.
Manbaga ko‘ra, “ko‘k-anorranglilar” va Gavi o‘rtasidagi yangi shartnoma 2030 yilga qadar imzolandi. Ta’kidlanishicha, futbolchining tovon puli 1 milliard yevro etib belgilanadi.
Ma’lumot o‘rnida, Gavi “Barselona” asosiy jamoasiga 2021 yilda qo‘shilgan. U joriy mavsum klub safida barcha musobaqalarda 20 ta o‘yinda maydonga tushib, 2 ta gol urdi va 3 ta assist amalga oshirdi. 20 yoshli futbolchining narxi “Transfermarkt” portalida 80 million yevroga baholangan.
Eslatib o‘tamiz, avvalroq, “Barselona” Pedri bilan ham shartnomani 2030 yilgacha uzaytirgan edi.
Live
Barchasi
