Зидан келажакда бошқариши мумкин бўлган йирик клуб номини айтди
Sport
−
10:04 974 1 minute
Франция терма жамоаси бош мураббийи Зинедин Зидан келажакда “Ювентус”ни бошқариш мумкинлигини айтди. Бу ҳақида Зидан “RMC Sport” нашрига маълум қилди.
“Марчелло Липпи менга доимо олдинга интилишни ўргатган. Туринга келганимда, ҳали унчалик яхши ўйнамаётган эдим. Шу боис матбуот ва жамоатчилик мен ўз даражамга етганимга ишонмасди. Липпи менга унинг қўл остида ўйнашим кераклигини айтди ва мен яхши ўйнай бошладим. “Ювентус” бош мураббийи бўлишимга келсак, нега келажакда бундай бўлмаслиги керак?” дейди Зидан.
54 ёшли Зидан ўтган ёзда Франция терма жамоаси бош мураббийи лавозимини эгаллаган эди. Унинг амалдаги шартномаси 2030 йилнинг ёзига қадар мўлжалланган. Бунга қадар мутахассис “Реал” билан уч марта Чемпионлар лигаси ва икки марта Испания чемпионлигини қўлга киритган.
Маълумот учун, Зинедин Зидан Турин клуби сафида 1996 йилдан 2001 йилга қадар тўп сурган.
Live
All
