Ўзбекистонлик боксчилар Осиё чемпионатида биринчи ўринни эгаллади

Кеча, 16 июль куни Индонезия пойтахти Жакарта шаҳрида бокс бўйича U-19 ва U-23 ёш тоифалари ўртасидаги Осиё чемпионати ўз якунига етди. Мусобақада Ўзбекистон терма жамоаси ҳар икки ёш тоифасида ҳам умумжамоа ҳисобида мутлақ биринчи ўринни эгаллади.

Мусобақанинг сўнгги кунида ўтказилган U-23 ёш тоифасидаги финал жангларида ҳам ўзбекистонлик чарм қўлқоп усталари муваффақиятли иштирок этди. Терма жамоа 4 та олтин, 2 та кумуш ва 3 та бронза медалини қўлга киритиб, умумжамоа ҳисобида биринчи ўринни сақлаб қолди.

Олтин медаль соҳиблари:

• 65 кг – Илҳомжон Эргашев;
• 70 кг – Абдуллоҳ Мадаминов;
• 80 кг – Фазлиддин Эркинбоев;
• +90 кг – Озодбек Алиев.

Кумуш медаль соҳиблари:

• 85 кг – Норбек Абдуллаев;
• 90 кг – Самир Собиров.

Бронза медаль соҳиблари:

• 55 кг – Фарёзбек Дўсматов;
• 60 кг – Абдураҳмон Маҳмуджонов;
• 75 кг – Абдулазиз Абдулҳамидов.

U-19 ёш тоифасида ҳам Ўзбекистон терма жамоаси ажойиб натижа қайд этиб, 7 та олтин, 1 та кумуш ва 1 та бронза медали билан умумжамоа ҳисобида биринчи ўринни қўлга киритди.

Олтин медаль соҳиблари:

• 50 кг – Ўткирбек Норқосимов;
• 55 кг – Элёр Рустамов;
• 60 кг – Муҳаммадризо Укимов;
• 75 кг – Сухроб Раҳматуллаев;
• 80 кг – Аброр Шарипов;
• 85 кг – Сардорбек Бахромхўжаев;
• 90 кг – Асадбек Султанбоев.

Кумуш медаль соҳиби:

• +90 кг – Ислом Салихов.

Бронза медаль соҳиби:

• 70 кг – Саидхўжа Садиллахўжаев.

Шу тариқа, Ўзбекистон ёшлар терма жамоаси мазкур Осиё чемпионатида ҳам U-19, ҳам U-23 ёш тоифаларида умумжамоа ҳисобида биринчи ўринни эгаллаб, ёшлар боксида қитъанинг энг кучли жамоаси эканини яна бир бор исботлади.