Ўзбекистонлик боксчилар Олимпиадада 3 та кумуш медални нақд қилди
Sport
−
07 August 2024 18751 1 minute
Париж шаҳрида ўтказилаётган Олимпиада ўйинларининг бокс баҳслари тобора ўз поёнига етмоқда. Ҳозирга келиб 3 нафар ўзбекистонлик чарм қўлқоп устаси Олимпиада финалига чиқишни уддалади.
-51 кг вазнда Ҳасанбой Дўсматов, -92 кг вазнда Лазизбек Мулложонов Париж Олимпия ўйинларининг олтин медали учун рингга чиқади.
6 август кунги дастурда эса -71 кг вазнда Ўзбекистон шарафини ҳимоя қилаётган жаҳон чемпиони Асадхўжа Мўйдинхўжаев финал йўлланмасига эга чиқди. У финал йўлида АҚШ вакили Омари Жонесни 3:2 ҳисобида мағлубиятга учратди.
Қайд этиш жоиз, яна икки нафар ўзбекистонлик боксчи Баҳодир Жалолов ва Абдумалик Халоков Олимпия ўйинларининг ярим финал жангларида иштирок этади.
Live
All
