“Урдию сурди”. Қашқадарёда ҳайдовчи одам уриб, қочиб кетди
Crime
−
17 February 2023 9331 1 minute
Қашқадарё вилояти Яккабоғ туманида Lacetti ҳайдовчиси пиёдани уриб, қочиб кетди. Бу ҳақда вилоят Ички ишлар бошқармаси хабар берди.
Қайд этилишича, мазкур йўл-транспорт ҳодисаси жорий йилнинг 12 февраль куни тунги соат 20:30 да Яккабоғ тумани Чўмич маҳалласида содир бўлган. Унда 27 ёшли ҳайдовчи автомобилида пиёдани уриб, воқеа жойидан қочиб кетган. Автоҳалокат оқибатида пиёда вафот этган.
Ҳайдовчининг маълум қилишича, у кетганидан сўнг тез ёрдамга қўнғироқ қилган.
Мазкур ҳолат юзасидан Жиноят кодексининг 266-моддаси 2-қисми билан жиноят иши қўзғатилган. Ҳозирда терговолди суриштирув ҳаракатлари олиб борилмоқда.
Эслатиб ўтамиз, кеча, 16 февраль куни Тошкент шаҳри Олмазор туманида 5 та машина иштирокида йўл-транспорт ҳодисаси содир бўлганди.
