Украина клуби футболчисига Россияга қарши ўйнашини тақиқлади

Украинанинг “Полесье” клуби ярим ҳимоячиси Андруссо Араухони жорий йилнинг 17 ноябрь куни Краснодарда бўлиб ўтадиган Венесуэла ва Россия терма жамоалари ўртасидаги ўртоқлик учрашувида иштирок этишдан четлаштирди. Бу ҳақда клуб матбуот хизмати хабар берди.

“Футболчининг миллий терма жамоа ихтиёрида бўлишини ташкил этиш ва унинг кейинги сафар режаси Россияга ҳар қандай сафарни ёки Россия терма жамоаси билан ўйин билан боғлиқ тадбирларда иштирок этишни истисно қилиши керак”, дейилади “Полесье” баёнотида.

Венесуэла футбол федерацияси Араухони жорий йилнинг ноябрь ойидаги иккита учрашув учун терма жамоага чақирган. Биринчи баҳс 14 ноябрь куни Бильбаода Басклар мамлакати терма жамоасига қарши, иккинчиси эса 17 ноябрь куни Краснодарда Россияга қарши ўтказилади.

Шу билан бирга, Украина клуби футболчининг Испаниядаги учрашувда иштирок этишига қаршилик билдирмаяпти.

Эслатиб ўтамиз, Россия терма жамоаси ноябрь ойида иккита ўртоқлик учрашуви ўтказишни режалаштирган. Венесуэла билан баҳсдан ташқари, россияликлар жорий йилнинг 12 ноябрь куни Тошкентда Ўзбекистон терма жамоасига қарши майдонга тушади.