Трамп 3 турдаги жиноятчилар учун ўлим жазосини қўллашга ваъда берди

АКШ Президенти Дональд Трамп агар АҚШда Республикачилар партияси Конгрессга оралиқ сайловларда ғалаба қозонса, гиёҳванд моддалар савдогарлари, одам савдогарлари ва полициячиларни ўлдирганлар учун энг олий жазо чорасини жорий этишга ваъда берди. Бу ҳақда у кеча, 2 октябрь куни Алабама штатида ўз тарафдорлари олдидаги нутқида гапирди.

“Биз йирик гиёҳванд дилерлари, одам савдоси билан шуғулланувчилар ва полициячини ўлдирган ҳар қандай шахс учун ўлим жазосини жорий этамиз”, дейди Трамп.

Қайд этиш жоиз, ўлим жазоси мавзуси ҳозирда Америка ОАВлари кун тартибида турибди. Жорий йилнинг 30 сентябрь куни Теннесси штатида ўлимга ҳукм қилинган Криста Гейл Пайкни қатл этиш бўйича муваффақиятсиз уриниш содир бўлган эди. Унга ўлим ҳукми 1995 йилда курсдошини шафқатсизларча ўлдиргани учун чиқарилган. https://qalampir.uz/news/sevgilisining-ma-shuk-asini-uldirgan-maҳbus-2-doza-ulim-dorisidan-keyin-ҳam-tirik-k-oldi-143893

Ҳукмни ижро этувчилар препаратнинг биринчи дозасини юборганидан сўнг, маҳкум хушида қолиб, “қўли билан нимадир бўлаётганидан” шикоят қилган. Сўнг аёлга такрорий доза юборилган, аммо у яна омон қолган ва азобланиб хириллашни бошлаган. Муваффақиятсиз қатл ва жиноятчининг азобланиши энг олий жазо чорасининг инсонпарварлиги масаласини яна кун тартибига олиб чиққан.

Эслатиб ўтамиз, аввалроқ Жазоир парламентининг қуйи палатаси Жиноят кодексига қасддан ўт қўйиш ва болаларни ўғирлаганлик учун ўлим жазосини назарда тутувчи ўзгартиришларни маъқуллагани ҳақида хабар берилган эди.